महिला उद्योजकांना संधीचेंबरचा पुढाकार

राज्यातील महिला व्यावसायिकांच्या उत्पादनांना बाजारपेठ उपलब्ध करून देण्यासाठी गोवा चेंबर ऑफ कॉमर्स ऍण्ड इंडस्ट्रीच्या (जीसीसीआय) महिला विभागातर्फे खास प्रदर्शन आयोजित करण्यात आले असल्याची माहिती महिला विभागाच्या अध्यक्ष प्रतिमा धोंड यांनी मंगळवारी आयोजित पत्रकार परिषदेत दिली.गोव्याच्या महिलांमध्ये व्यावसायिक कुशलता आहे परंतु त्यांचा उत्पादनांना बाजारपेठ कशी मिळणे बरेच कठीण असते अशा परिस्थितीत या महिलांची उत्पादने प्रदर्शनाच्या माध्यमातून लोकांच्या पुढ्यात आल्यास फायदेशीर ठरू शकते असे धोंड यावेळी म्हणाल्या हे. "अस्तुरी' असे नामकरण करण्यात आलेले हे प्रदर्शन 14 ते 17 फेब्रुवारी या दरम्यान कला अकादमी येथे भरवण्यात आहे.या प्रदर्शनात हैदराबाद, बंगळूर, पुणे, कोलकता येथून महिला व्यावसायिक आपली उत्पादने घेऊन येणार असून सुमारे 70 स्टॉल्स या ठिकाणी उभारण्यात येणार आहेत. हस्तकला, खाद्यपदार्थ, मातीची शिल्पे, कृत्रिम दागिने, सजावटीचे सामान, तसेच साड्या वस्तू या प्रदर्शनात मांडण्यात येणार आहेत.